營商計劃，常伴我們的大學生活

講營商計劃前，想分享下今日新聞介紹一個創意商品
事緣一位日本男士佢平時會去做Yoga，佢會自己帶地毯同一個小型喇叭(speaker)去。
有一次佢無意中用地毯卷住小型喇叭，佢發現發出ge聲音出奇地"高音準，低音勁"
自此佢不斷嘗試，被佢發現地毯+喇叭係天作之合，發出音色有別於一般木造or膠造外殼ge喇叭
所以佢決心成立一間小型公司去研發"地毯喇叭"，日本新聞台"NHK"同香港TVB新聞都分別訪問同轉播呢樣創新商品

"機會就好似微風吹過，微不足道；機會亦都一樣，佢唔會好明顯地o係你面前出現，一定要好好觀察並抓緊機會"

呢句說話係Mac Sir引述 Peter Drucker先生對我地講ge一句說話，上述日本例子足以證明這一句說話係絕對無錯 ，而呢句說話對大家都終身受用。

大學入面Business Administration 要學ge實在太多, 由 Principle of Accounting 至 Financial Planning; 由Principle of Management 分拆成 Operations Management, Supply Chain Management, Consumer Behavior, Management and Marketing Principles, Financial Management, Cost Management, Business Research 等等等等，真係鑊鑊新鮮鑊鑊甘.....

但到最後我地學咁多野，原來一做project就好有用，or第時出黎營商或者同大家一齊討論問題，呢d知識都好幫到我地，而我地大學數年生涯中，就係不斷Learn and Apply，今次再Apply o係你地身上。我好老實講，你地做緊呢個Business Plan，我地都有兩份Year 3 projects係做類似你地依家做緊ge野。

以下係我同我d組員其中一份瀝血之作，俾大家參考一下，大學並唔係講求讀書，仲好講創意同思考:

dpqb

define: 現時太多人遺失"手指"，甚至連警隊、醫護人員等都相繼連同手指一併遺失重要私人資料；而巿面上的防遺失功能只會將遺失了的手指中的檔案遙距刪除，實在價格昂貴，華而不實，治標不治本

product: 防遺失USB Memory Stick - "Seeker"

設計: 分為主體(記憶體)及副體(用家攜帶)，兩者有獨一訊號聯系，若距離超過預設限制，副體會震動並響鬧，提醒用家已離開手指太遠


quality: 用上鋁外殼，實用耐撞，輕巧方便，有2年免費保用

價錢: $229

我地做緊ge野同你地做緊ge無咩分別，但我只係用不出200字去簡述一份超過2000字ge銷售計劃俾大家睇。大家仲要多多努力向前邁進!!!!!!!!!!!!!!!!!!

by CHriS (版權所有，盜用必究)