今日Johnny Sir 提左幾次叫我分享下關於做生意買貨用數期既事,呢悺只係我Daddy 間公司曾經聽過甚至遇過既事,希望你地將來做飲食業既買家或者賣家都要非常小心.我重新多次,唔係我既個人經歷,只係係我Daddy既飲食業公司面對既問題.
首先我想問下你地覺得酒樓係賺咩既呢?賺早茶?晚宴?搞婚宴? 以上提到既都可能係,但事實上我認識既酒樓賺既絕對唔係甘少既數目,點賺?以下既事係我Daddy 做生意當中聽返黎既......
一般外面既大酒樓經常都會有倒閉又開，倒閉又開既情況，但事實上開酒樓根本賺唔到錢，點解仲有人會開呢? 我Daddy 話開酒樓既人主要賺既就係利用「賒數」既方法賺到貨品供應‧
點樣做既呢?原來一間酒樓既老闆大部分開鋪既錢都會放係裝修，其他買貨既錢、人工等等都係唔會用現金付款，大部分都係用2至3個月既月數方式付款，假設間酒樓7月1日開張，所有向食品公司買貨既錢都只會係9月至10月還，當然有部分既奸商竟然好誇張甘5-6個月先付款一次都唔出其‧如是者，間酒樓如果賺到50萬，分哂俾所有股東同埋自己份糧，剩返既先會俾數期既錢‧好彩既係酒樓有好多錢剩可以順利還錢，唔好彩呢? 個d賺到錢但唔想俾借左既錢既酒樓老闆就會直接將酒樓倒閉，最後破產，結果其他賣貨俾間酒樓但收唔到錢既賣家結果一蚊都收唔到‧
表面上，酒樓既老闆好似係最慘個個，但其實佢地係之前出糧時已經賺到一部分錢，要還既時候就結束酒樓唔駛賠甘多‧ 到過左一排又再次開間新既酒樓，沒完沒了，以數期方式作為付款就成為左好多奸商既賺錢方法‧
呢d就係係飲食業當中走數既現象，我好希望各位同學如果將來創業就要考慮好買貨付款既方式，審慎理財往往比即刻開鋪更為重要，否則自己都會係最蝕底個個‧
你地可以既得閒留意下附近既酒樓點解開完又有一間新既,又開又執, 可能個老闆根本係同一個人>_<
PS: 以上既例子只係我Daddy講既野，唔係代表全部既公司，只係想大家明白付款時時間係好重要既je
By 細孖
沒有留言:
張貼留言